𝐃𝐢𝐥𝐢, 𝟎𝟓 𝐉𝐮ñ𝐮 𝟐𝟎𝟐𝟔

Autoridade Munisípiu Dili (AMD), ne’ebe lidera husi Sekretáriu Munisipál Planeamentu Investimentu no Dezenvolvimentu Integradu(SECAM PIDI PAM Interinu) 𝗦𝗿. 𝗙𝗶𝗹𝗼𝗺𝗶𝗻𝗼 𝗠𝗮𝗿𝗶𝗮 𝗱𝗮 𝗦𝗶𝗹𝘃𝗮 𝗦𝗺𝗶𝘁𝗵, hodi akompañ asinatura kontratu ba implementasaun projetu sira iha kuadru Planeamentu Dezenvolvimentu Integradu Munisipál (PDIM) tinan 2026, ne’ebé realiza iha salaun A Munisipiu Díli, ho partisipasaun husi empreza sira ne’ebe manan projetu.

Asinatura kontratu ne’e marka etapa importante ida iha prosesu implementasaun projetu dezenvolvimentu sira ne’ebé aprova ona ba Munisípiu Dili, ho objetivu atu hadi’a infraestrutura bázika, hasa’e asesu ba servisu públiku no promove dezenvolvimentu sustentável iha komunidade sira. PDIM nu’udar instrumentu importante ida ba planeamentu no implementasaun projetu dezenvolvimentu iha nível Munisipál.

Serimónia ne’e remata ho asinatura ofisiál kontratu entre Autoridade Munisípiu Dili no empreza manán-na’in sira, hanesan hahú etapa implementasaun ba projetu PDIM tinan 2026, ne’ebé espera bele kontribui ba dezenvolvimentu sosiu-Ekonómiku no hadi’ak kondisaun moris komunidade sira iha Munisípiu Dili.