𝐃í𝐥𝐢 𝟎𝟒 𝐉𝐮𝐥𝐥𝐮 𝟐𝟎𝟐𝟔

Relasiona ho Foto ne’ebé viral iha loron hirak liubá ne’ebé hatudu akumulasaun lixu iha área Colmera, tamba ne’e Prezidente Autoridade Munisípiu (PAM) Díli, Sr. Francisco dos Santos hatun kedas orientasaun ba Ekipa Servisu Munisípal Água Saneamentu no Ambiental (SMASA), hodi foti kedas medidas lalais hodi responde ba preokupasaun komunidade no halo limpeza iha área refere.

Ekipa limpeza SMASA tun direta ba fatin ne’ebé temi iha foto hodi hasai lixu tomak ne’ebé negosiante balun soe, hodi kontribui ba poluisaun ambiental no estraga beleza cidade nian.

Aksaun ida ne’e hanesan parte husi kompromisu AMD atu asegura ambiente ne’ebé moos, saudavel no confortável ba ema hotu.