𝐒𝐌𝐀𝐒𝐀 𝐇𝐀𝐋𝐀’𝐎 𝐋𝐈𝐌𝐏𝐄𝐙𝐀 𝐍𝐎 𝐑𝐄𝐆𝐀 𝐀𝐈-𝐅𝐔𝐍𝐀𝐍 𝐈𝐇𝐀 Á𝐑𝐄𝐀 𝐃𝐎𝐋𝐎𝐊 𝐎𝐀𝐍 𝐓𝐎’𝐎 𝐓𝐀𝐒𝐈 𝐓𝐎𝐋𝐔

𝐃í𝐥𝐢, 𝟏𝟖 𝐀𝐠𝐨𝐬𝐭𝐮 𝟐𝟎𝟐𝟔

Ekipa diresaun servisu Munisipál Agua Saneamentu no Ambiente, (SMASA) kontinua hala’o atividade limpeza no rega aifunan iha área Dolok Oan to’o Tasi Tolu, nu’udar parte husi esforsu Autoridade Munisípiu Díli (AMD) atu mantein ambiente públiku moos, verde, saudável no organizada

Atividade limpeza ne’e hanesan hasai lixu ne’ebé akumula iha fatin fatin hanesan iha estrada públiku, jardin no dalan ninin no utiliza kareta tanki bee hodi rega aifunan no plantasaun sira ne’ebe iha kanteiru estrada no seluk tan.

objetivu husi atividade limpeza no rega aifunan regular ne’e importante atu ajuda ai-funan sira hetan bee sufisiente, liuliu iha tempu ho temperatura aas, no atu mantein kondisaun espasu verde iha sidade no atu prevene poluisaun no garante ambiente ne’ebé diak no mos ba populasaun Dili laran.

Manutensaun ba ai-funan no espasu verde sira mos sai parte importante husi esforsu AMD hodi hadia no mantein beleza ambiente públiku, nune’e komunidade no utilizadór estrada sira bele sente ambiente sidade ne’ebé mais agradável no organizadu.

AMD liu husi SMASA sei kontinua kuidadu espasu verde iha área Díli laran no limpeza regular no AMD mos nafatin apela ba komunidade Dili atu hamutuk kuidadu no proteje ai-funan no espasu verde sira, no soe lixu tuir fatin ne’ebe AMD prepara ona atu mantein nafatin hamurak Dili, Hakmatek, mos no saudavel.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)