Servisu Munisipál Finansas Dili

Diretora Servisu Munisipál Finansas Dili

Natalia Fatima de Jesus

Kontaktu:

DIPLOMA-MINISTERIAL-No-85-2023

Misaun

Servisu Finansa Munisipá mak servisu Autoridade Munisipál ne’ebé nia misaun mak atu fó apoiu tékniku no finanseiru.
Apoiu administrativu ba Prezidente Autoridade Munisipál, no ba órgaun no servisu sira seluk sub-ordenadu ba Autoridade Munisipál nian, ne’ebé nia integra, iha área sira programasaun no ezekusaun orsamentál, responsabilizasaun no kobransa reseita Estadu nian ne’ebé sai responsabilidade Autoridade Munisipál nian.

Tarefa sira

Servisu Finansa Munisipál nia knaar mak hanesan:

a) Garante Obdesimentu ba lei, regulamentu no instrusaun ka orientasaun sira seluk ho natureza finanseira no kontabilidade hosi órgaun no servisu sira Autoridade Munisipál nian;

b) Prepara proposta ba Planu Asaun Anuál Autoridade Munisipál nian, tuir orientasaun hosi Prezidente Autoridade Munisipál respetivu;

c) Prepara proposta ba Orsamentu Anuál Autoridade Munisipál nian, tuir orientasaun hosi Prezidente Autoridade Munisipál respetivu;

d) Prepara, hamutuk ho Servisu Propriedade no Lojístika Munisipál, proposta ba Planu Fornesimentu Munisipál, tuir matadalan hosi Prezidente Autoridade Munisipál respetivu;

e) Fó apoiu tékniku no administrativu ba Prezidente Autoridade Munisipál, Sekretáriu Munisipál no Diretór Servisu Munisipál sira iha matéria jestaun rekursu finanseiru ne’ebé aloka ba órgaun no servisu sira seluk hosi Autoridade Munisipál respetiva;

f) Halo apuramentu, rejista no rekolla reseita Estadu nian ne’ebé nia apuramentu no kobransa legalmente responsabilidade hosi respetiva Autoridade Munisipál;

g) Emite resibu ba montante sira ne’ebé simu husi Servisu Finansas Munisipál;

h) Sentraliza no koordena rejistu no kontabilidade reseita estadu nian ne’ebé rekolla hosi Autoridade Munisipál respetiva;

i) Sentraliza no koordena rejistu no kontabilidade kona-ba despeza sira ne’ebé halo hosi respetiva Autoridade Munisipál;

j) Fiskaliza jestaun tezouru Autoridade Munisipál respetiva nian;

k) Fó instrusaun, ho informasaun devida, prosesu sira hodi autoriza despeza no submete ba Prezidente Autoridade Munisipál respetivu atu foti desizaun;

l) Fó instrusaun, ho informasaun devida, prosesu sira hodi autoriza pagamentu ba despeza sira ne’ebé halo no submete ba Prezidente Autoridade Munisipál respetivu atu foti desizaun;

m) Rejistu adiantamentu sira ne’ebé konsede ba Administrasaun sira Postu Administrativu nian;

n) Simu, rejista no arkiva relatóriu despeza nian, ho detallu no apoia ho resibu ka dokumentu seluk ne’ebé legalmente prova pagamentu despeza liu-hosi adiantamentu ne’ebé fó ba Administrasaun sira Postu Administrativu nian;

o) Rekuza atu fó adiantamentu foun bainhira de’it relatóriu despeza ne’ebé selu liu-hosi adiantamentu anteriór seidauk hatama ba Servisu Finansas Munisipál no rejista devidamente iha sistema jestaun finanseira informatizada;

p) Rejista iha sistema jestaun finanseira informatizada prosedimentu sira finansa públika nian, nomeadamente ezekusaun orsamentál no aprovizionamentu ba Autoridade Munisipál;

q) Rekuza atu instrui pedidu autorizasaun pagamentu ba despeza sira ne’ebé la prevee iha Orsamentu Munisipál ka liu limite sira ne’ebé estabelese ona ba orsamentu despeza nian;

r) Rekuza atu instrui pedidu pagamentu ba despeza sira ne’ebé antes ne’e la hetan autorizasaun hosi respetivu Prezidente Autoridade Munisipál, ne’ebé la akompaña ho relatóriu R&I no formuláriu rejistu patrimóniu ka ba ninia realizasaun laiha verba ne’ebé depozita iha konta bankária Autoridade Munisipál respetiva;

s) Prepara no submete ba Prezidente Autoridade Munisipál hodi aprovasaun lista pagamentu iha loron 15 nia laran;

t) Promove realizasaun transferénsia bankária ba pagamentu sira, ne’ebé uluk hetan autorizasaun hosi respetivu Prezidente Autoridade Munisipál, ba fornesidór sira ne’ebé rejistadu iha sistema informátiku jestaun finanseira nian;

u) Promove realizasaun pagamentu sira despeza nian, ne’ebé uluk hetan autorizasaun hosi Prezidente Autoridade Munisipál respetivu, liu-hosi Chek, bainhira de’it pagamentu ne’e labele halo ho transferénsia bankária;

v) Asegura realizasaun pagamentu sira despeza nian, ne’ebé autoriza tiha ona uluk hosi respetivu Prezidente Autoridade Munisipál nian, ho osan, tuir limite ne’ebé estabelese iha lei, bainhira pagamentu ne’e labele halo liu-hosi transferénsia bankária ka liu-hosi Chek bankáriu;

w) Rekolla, rejista no arkiva dokumentasaun finanseira no kontabilidade hotu-hotu husi Autoridade Munisipál respetiva;

x) Prepara no submete ba Prezidente Autoridade Munisipál respetivu relatóriu progresu trimestral kona-ba implementasaun fízika planu asaun anuál Autoridade Munisipál nian;

y) Prepara no submete ba respetivu Prezidente Autoridade nian Munisipál relatóriu mensál, trimestrál no anuál sira kona-ba ezekusaun orsamentál Autoridade Munisipál nian;

z) Prepara, rejista no hato’o ba Prezidente Autoridade Munisipál respetivu, hodi hato’o ba Ministériu Finansas, lista mensál remunerasaun pesoál nian, tuir informasaun ne’ebé Administrasaun Munisipál no Servisu Rekursu Umanu fó;

aa) Hala’o kna’ar sira seluk iha área finansa nian ne’ebé superiór sira fó ba nia no ne’ebé la’ós responsabilidade hosi órgaun ka servisu seluk hosi Autoridade Munisipál.

Departamentu sira

Departamentu Finansas Munisipál kompostu husi:

a) Departamentu Programasaun no Kontrolu Orsamentál ida, responsável atu hala’o aktu sira no prosesa prosedimentu administrativu sira ne’ebé nesesáriu ba hala’o knaar sira ne’ebé prevee iha pontu a), b), c), d), e), x), y) no aa) hosi artigu anteriór;

b) Departamentu Tezouru no Pagamentus ida, responsável atu hala’o aktu sira no prosesa prosedimentu administrativu sira ne’ebé nesesáriu ba hala’o knaar sira ne’ebé prevee iha artigu anteriór nia artigu anteriór nia artigu anteriór nia artigu anteriór nia pontu a), f), g), j), k), m), o), p), q), r), s), t), u), v) no aa);

c) Departamentu Kontabilidade ida, responsável atu hala’o aktu sira no prosesa prosedimentu administrativu sira ne’ebé nesesáriu ba ezersísiu knaar sira-ne’ebé prevee iha alnea a), h), i), n), w) no aa) artigu anteriór nian.

Departamentu sira ne’ebé prevee ona iha númeru anteriór xefia hosi Xefe Departamentu sira, ne’ebé nomeia tuir rejime komisaun servisu nian, tuir termu Dekretu-Lei No. 3/2016, loron 16 fulan-marsu.

Tabela 11 : Forsa Traballu Servisu Munisipal Finansas