Servisu Munisípál Administrasaun no Rekursu Umanu

Diretor Servisu Munisípál Administrasaun no Rekursu Umanu Dili

Fidelis Mesquita Araujo

Contacto:

77755076

DIPLOMA-MINISTERIAL-No-85-2023

Servisu Munisípál Administrasaun no Rekursu Umanu Dili

1. Introdusaun

Diresaun Servisu Munisípál Administrasaun no Rekursu Umanu hatur baze ba Diploma Ministerial Nú. 85/2023, loron 29 Dezembru, iha Seksaun II, Artigu 7–9, kona-ba estabelesimentu servisu munisípál sira iha Autoridade Munisipál no definisaun ba nia organizasaun no funsionamentu.

Diresaun Servisu Munisípál Administrasaun no Rekursu Umanu (DSARU) responsavel ba jestaun pesoál no servisu administrativu sira iha organizasaun. Funsaun prinsipál diresaun ida-ne’e mak jere no monitoriza aspetu hotu-hotu kona-ba jestaun rekursu umanu, inklui selesaun pesoál, formasaun, administrasaun benefísiu sira, jestaun dezempeñu no bem-estar funsionáriu sira.

Funsaun Prinsipál sira

a. Jestaun Administrativa: Jere servisu administrativu sira kona-ba simu, rejista, distribui no arkiva dokumentu importante sira Autoridade Munisipál nian.

b. Jestaun Rekrutamentu no Selesaun: Responsavel ba prosesu rekrutamentu no selesaun kandidatu sira ba vaga servisu, inklui rekrutamentu online, entrevista no avaliasaun kandidatu sira.

c. Formasaun no Dezenvolvimentu: Jere programa formasaun sira, fornese treinamentu atu hasa’e kapasidade profisionál no dezenvolve karreira funsionáriu sira.

d. Administrasaun Benefísiu no Kompensasaun: Administra benefísiu sira, inklui sistema saláriu, seguru, bonifikasaun no optimizasaun sistema benefísiu sira.

e. Jestaun Dezempeñu: Akompaña no hala’o avaliasaun regular ba dezempeñu funsionáriu sira, ho foku ba feedback no planu melloria servisu nian.

2. Objetivu sira

a. Asegura jestaun efetiva ba rekursu umanu hodi fortifika kapasidade traballu.

b. Promove kultura inovasaun no dezenvolvimentu funsionáriu sira.

c. Garante kumprimentu ba norma no regulamentu servisu sira tuir lei vigora.

Diresaun ida-ne’e iha papel importante iha organizasaun, atu promove kualidade servisu no kria ambiente traballu ne’ebé forte, integradu no ho rekursu umanu kompetente.

3. Misaun

Misaun Diresaun Servisu Munisípál Administrasaun no Rekursu Umanu maka:

“Administrasaun Munisípál no Servisu Rekursu Umanu maka servisu Autoridade Munisipál nian ne’ebé nia misaun mak atu asegura apoiu tékniku no administrativu ba Prezidente Autoridade Munisipál no órgaun servisu sira seluk Autoridade Munisipál nian, ne’ebé integra iha área eskritóriu jerál, jestaun dokumentu, jestaun rekursu umanu, IT, koordenasaun sistema komunikasaun interna no esterna, arkivu no protokolu.”

(Dokumentasaun Protokolu)

4. Tarefa Servisu sira

Tarefa Servisu Diresaun Servisu Munisípál Administrasaun no Rekursu Umanu fahe ba domíniu haat (4):

a. Knaar Servisu Munisípál Administrasaun no Rekursu Umanu iha ámbitu expediente jerál, jestaun dokumentu no arkivu.

b. Knaar Servisu Munisípál Administrasaun no Rekursu Umanu iha ámbitu jestaun rekursu umanu.

c. Knaar Servisu Munisípál Administrasaun no Rekursu Umanu iha ámbitu informátika.

d. Knaar Servisu Munisípál Administrasaun no Rekursu Umanu iha ámbitu sistema komunikasaun interna no esterna.

Knaar hirak ne’e mak hanesan tuir mai:

1. Knaar Servisu Munisípál Administrasaun no Rekursu Umanu iha domíniu expediente jerál, jestaun dokumentu no arkivu nian

a. Organiza no akompaña prosesu administrativu hotu-hotu ne’ebé la’ós responsabilidade servisu munisípál seluk nian;

b. Divulga lejislasaun no regra interna Autoridade Munisipál nian ba servisu munisípál hotu-hotu;

c. Rejista no arkiva despaxu, orden servisu no avizu sira husi Autoridade Munisipál;

d. Simu, klasifika, rejista, distribui no arkiva dokumentu servisu munisípál sira nian;

e. Asegura abertura no taka instalasaun sira Autoridade Munisipál nian;

f. Garante seguransa no limpeza ba instalasaun sira ne’ebé servisu Autoridade Munisipál sira uza;

g. Prepara informasaun no fó parecer kona-ba asuntu eskritóriu jerál no jestaun dokumentu Autoridade Munisipál nian;

h. Fó lalais esklaresimentu no informasaun ne’ebé superior sira husu kona-ba atividade respetiva;

i. Hala’o knaar seluk iha área eskritóriu jerál, jestaun dokumentu ka arkivu ne’ebé determina husi superior sira no la’ós responsabilidade órgaun ka servisu seluk Autoridade Munisipál nian.

2. Knaar Servisu Munisípál Administrasaun no Rekursu Umanu iha ámbitu Jestaun Rekursu Umanu

a. Koordena prosesu preparasaun no atualizasaun mapa pesoál Autoridade Munisipál ka Administrasaun Munisipál nian;

b. Organiza, atualiza no asegura arkivu individuál no rejistu biográfiku funsionáriu no ajente Administrasaun Públika sira;

c. Integra, akompaña no fiskaliza funsionáriu sira ne’ebé hala’o funsaun iha Autoridade Munisipál;

d. Estabelese no ezekuta prosedimentu sira ba rejistu no aprovasaun substituisaun, transferénsia, destakamentu, prezensa, pontualidade, lisensa, subsídiu no suplementu sira;

e. Prepara arkivu sira ne’ebé relasiona ho kontratu traballu ho prazu determinadu;

f. Fó hatene Servisu Finansas Munisipál kona-ba auzénsia, lisensa no férias funsionáriu sira;

g. Prepara mapa férias anuál funsionáriu no ajente Administrasaun Públika sira;

h. Ezekuta prosedimentu avaliasaun dezempeñu rekursu umanu tuir tempu;

i. Prepara no submete ba aprovasaun deskrisaun tarefa funsionáriu sira nian;

j. Promove integrasaun perspetiva jéneru nian iha servisu munisípál sira;

k. Prepara Planu Anuál Formasaun Rekursu Umanu iha koordenasaun ho servisu munisípál seluk;

l. Garante aplikasaun no kumprimentu ba enkuadramentu legal funsaun públika nian;

m. Hala’o knaar seluk kona-ba jestaun rekursu umanu ne’ebé determina husi superior sira.

3. Knaar Servisu Munisípál Administrasaun no Rekursu Umanu iha ámbitu Informátika (IT)

a. Asegura dezenvolvimentu sistema informasaun Autoridade Munisipál nian no jestaun ekipamentu, sistema IT no komunikasaun;

b. Kolabora iha dezenvolvimentu sistema no teknolojia informasaun;

c. Estuda impaktu sistema informasaun sira no propoin inovasaun organizasionál;

d. Partisipa iha planeamentu no kontrolu projetu IT sira;

e. Jere pájina internet Munisípiu nian iha koordenasaun ho servisu sira seluk;

f. Promove implementasaun sistema no teknolojia informasaun;

g. Define medida seguransa no integridade informasaun nian;

h. Hala’o estudu sira ba prosesu no sistema IT no kontratasaun teknolojia foun;

i. Partisipa iha dezenvolvimentu no introdusaun teknolojia WEB (internet no intranet);

j. Instala, konfigura no halo teste ba komponente no aplikasaun informátika;

k. Dezenvolve rotina no programa utilidade sira;

l. Planeia no dezenvolve infraestrutura teknolójika, servidór, rede no sistema seguransa;

m. Konfigura no instala sistema operativu no aplikasaun sira;

n. Jere no administra sistema no aplikasaun sira atu optimiza utilizasaun;

o. Asegura mekanizmu seguransa, konfidensialidade no integridade informasaun;

p. Instala no mantén hardware no software;

q. Dokumenta konfigurasaun no arkivu sistema sira;

r. Promove operasaun no monitorizasaun sistema informatizadu sira;

s. Asegura backup no manutensaun seguransa informasaun;

t. Dezenvolve padraun utilizasaun no promove formasaun ba utilizadór sira;

u. Asegura apoiu ba software jestaun eskritóriu nian;

v. Fó apoiu ba utilizadór sira iha prosesamentu dadus no komunikasaun;

w. Kolabora iha definisaun prosedimentu utilizasaun sistema sira;

x. Hala’o knaar seluk iha área IT ne’ebé determina husi superior sira.

4. Knaar Servisu Munisípál Administrasaun no Rekursu Umanu iha ámbitu Sistema Komunikasaun Interna no Esterna

a. Simu no rejista dokumentu, pedidu, petisaun no komunikasaun eskrita sira, iha surat tahan ka eletróniku;

b. Distribui komunikasaun, despaxu no orden servisu ba destinatáriu sira;

c. Halo rejistu no distribuisaun korespondénsia Autoridade Munisipál nian;

d. Simu, rejista no enkamiña komunikasaun sira ba órgaun kompetente tuir matéria;

e. Hala’o knaar seluk iha área komunikasaun interna no esterna ne’ebé determina husi superior sira.

5. Knaar Servisu Munisípál Administrasaun no Rekursu Umanu iha ámbitu Protokolu

a. Garante servisu akollimentu ba vizitante sira iha Autoridade Munisipál;

b. Asegura relasaun públika Autoridade Munisipál nian;

c. Prepara no distribui informasaun kona-ba inisiativa no atividade Autoridade Munisipál nian ba órgaun mídia no profisionál sira;

d. Organiza no jere arkivu informasaun mídia kona-ba atividade Autoridade Munisipál nian;

e. Formula no submete regra protokolu ba eventu no serimónia ofisiál sira;

f. Propoin kompozisaun komisaun organizadora ba eventu no selebrasaun ofisiál sira;

g. Propoin orsamentu ba organizasaun eventu no selebrasaun ofisiál sira;

h. Asegura nesesidade lojístika ba realizasaun eventu no serimónia ofisiál sira;

i. Prepara relatóriu kona-ba organizasaun no realizasaun eventu no selebrasaun ofisiál sira;

j. Prepara relatóriu kona-ba despeza organizasaun eventu no selebrasaun ofisiál sira;

k. Hala’o knaar seluk iha área protokolu nian ne’ebé determina husi superior sira.

5. Departamentu sira

Diresaun Servisu Munisípál Administrasaun no Rekursu Umanu iha Departamentu rua (2), hanesan tuir mai:

1. Departamentu Rejistu/Expediente, Informátika, Protokolu no Arkivu (Dep. EIPA), responsavel atu hala’o no prosesa servisu administrativu sira ne’ebé nesesáriu tuir knaar sira ne’ebé prevee.
2. Departamentu Rekursu Umanu (Dep. RH), responsavel atu hala’o no prosesa servisu administrativu sira ne’ebé nesesáriu tuir knaar sira ne’ebé prevee.

Pict 1

Xefi Departamentu Rejistu/Expediente, Informátika, Protokolu no Arkivu (Dep. EIPA)

Pict 2

Xefi Departamentu Rekursu Umanu (Dep. RH)

Tabela 10: Forsa Traballu Servisu Munisípál Rekursu Umanu

Dir. – Diretór
Xefe Dep. – Xefi Departamentu
Xefe Sek. – Xefe Seksaun
FP – Funsionáriu Públiku
AAP – Ajente Administrasaun Públika
K.T.S. – Kazuál Termu Sertu
KZ – Kazuál