EKIPA SELESAUN DOKUMENTUS REMATA AVALIASAUN: 40 KANDIDATU PASÁ HUSI TOTAL 181 APLIKANTE

𝐃𝐢𝐥𝐢, 𝟐𝟔 𝐀𝐛𝐫𝐢𝐥 𝟐𝟎𝟐𝟔

Ekipa selesaun dokumentus ba konkursu admisaun Akademia Militar Konjunta – Kursu Vestibulár Tinan Letivu 2026 ohin loron halo ona prosesu avaliasaun ba kandidatura sira ne’ebé tama ona iha períodu aplikasaun.

Husi total aplikante hamutuk 181 pessoas nee rezultadu husi verifikasaun no seleksaun dokumentus hatudu katak 40 kandidatu mak pasa iha etapa ida ne’e, tuir kriteriu ofisiál ne’ebé Ministériu Defeza estabelese ona.

Ekipa selesaun ne’e kompostu husi Sefe Gabinete, Sr. Júlio da Silva, SECAM II Filomeno Maria da Silva Smith, Sefe Protokolu, no membru sira seluk. Iha prosesu tomak, iha prosesu selesaun ne’e, garante katak avaliasaun hala’o ho transparénsia no objetividade.

Reprezentante PAM liuhosi SECAM II hateten katak prosesu selesaun ne’ebé realiza ona tuir rigorozamente kriteriu sira ne’ebé Ministériu Defeza fó mai, hodi asegura igualdade oportunidade ba kandidatu hotu.

Enkuantu Prosesu selesaun ida ne’e hala’o ho transparénsia no responsabilidade, no tuir duni kriteriu sira ne’ebé determina husi Ministériu Defeza, hodi garante rezultadu ne’ebé justu, kredível.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)