EKIPA HUSI POSTO 4 REALIZA ATIVIDADE LIMPEZA GERAL IHA MERCADO TAIBESI

𝐃𝐢𝐥𝐢, 𝟑𝟎 𝐀𝐛𝐫𝐢𝐥 𝟐𝟎𝟐𝟔

Ekipa husi Posto 4 realiza atividade limpeza geral iha Mercado Taibesi ho objetivu atu hadi’a no organiza merkadu sai mos no furak. Atividade ne’e involve membru ekipa sira hamutuk halo limpeza iha área merkadu laran no liur, inklui fasi lixu, halakon foer no arruma fatin sira atu sai limpu no konfortavel ba vendendor no konsumidor sira.

Durante atividade ne’e, Ekipa Posto 4 hatudu espírito servisu hamutuk no responsabilidade atu kontribui ba ambiente neʼebé saudavel, Sira mos fó edukasaun simples ba vendendor no konsumidor iha merkadu Taibesi kona-ba importánsia atu tau lixu iha fatin loos no mantén limpeza iha loron-loron.

Inisiativa limpeza geral ne’e simu apresiasaun husi komunidade no vendendor sira, tanba fó impaktu pozitivu ba saúde públika no beleza merkadu Taibesi sai limpu liu, neʼebé bele aumenta konfiansa ba konsumidor sira atu kontinua sosa no halo atividade ekonomia iha fatin ne’el

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)