𝐃í𝐥𝐢 𝟐𝟒 𝐉𝐮ñ𝐮 𝟐𝟎𝟐𝟔

Autoridade Munisípiu Dili realiza enkontru consellu cordenasaun Munisipál ho objetivu atu fortalese koordenasaun entre instituisaun governamentál, lideransa lokal no parseiru relevante sira hodi asegura implementasaun programa no atividade desenvolvimento iha Munisípiu Dili.

Enkontru ne’e lidera husi Sekretáriu Munisípal Administrasaun Planeamentu, investimentu Dezenvolvimentu integradu (SECAM PIDI), Filomino Maria da Silva Smith no partisipa husi administradór postu administrativu sira, Diretores no xefe servisu munisipál, reprezentante seguransa, lideransa komunidade no entidade relevante seluk.

Durante reuniaun, partisipante sira halo avaliasaun ba atividade ne’ebé implementa ona no diskute prioridade importante sira hanesan limpeza ambientál, infraestrutura bázika, saúde públika, edukasaun, seguransa no preparasaun ba tempu udan.

Iha okaziaun ne’e, Autoridade Munisípiu Dili enfatiza katak koordenasaun no kolaborasaun entre parte hotu-hotu importante tebes atu responde ba nesesidade komunidade no garante servisu públiku ne’ebé efetivu, transparente no efisiente.

Liu husi enkontru Consellu Cordenasaun Munisipál ne’e, espera katak programa no atividade governu sira bele implementa ho diak liu, hodi lori benefísiu direta ba populasaun no kontribui ba dezenvolvimentu sustentável iha Munisípiu Dili.