Avaliasaun Impaktu Sósiu Ekonómiku husi COVID-19 iha Timor-Leste Ronda 2 (AISE 2.0) – Resultadu Sira ba Munisípiu Dili
Peskiza/estudu ne’e hatudu oinsá situasaun COVID-19 halo piór liutan kestaun ne’ebé sai baze iha nasaun-ne’e laran, inklui lakuna boot iha dezenvolvimentu entre arranju rurál no urbana sira, efeitu sira husi perigu klimátika no limitasaun asesu ba edukasaun, servisu saúde, programa protesaun sosiál no merkadu sira.
Hodi ultrapasa ho konfluénsia ba pandemia, inundasaun Páskua no difikuldade boot sira, uma-kain sira utiliza ona estratéjia enfrentamentu ne’ebé impede dezenvolvimentu sustentável iha sira-nia moris.
Estudu ne’e mós deskobre reziliénsia entre komunidade sira, papél governu nasional nian iha apoiu sosiál no kontinua esforsu husi organizasaun governu no sosiendade sivil oinoin hodi hamenus impaktu negativu hirak-ne’e.
Durante periodu pandemia COVID-19 nian tomak, Governu Timor-Leste foti ona medida proativu atu proteje populasaun husi propagasaun virus ne’e no implementa ona pasu konkreta sira hodi kontra konsekuénsia sosiu-ekonomiku ne’ebé aat liu husi xoke/estragus rua dala-ida/kaduak.
Utiliza resultadu SEIA-2, rekomendasaun lubuk ida ba politika na’in sira tu konsidera iha estratéjia dezenvolvimentu ba rekuperasaun sosio-ekonomiku ida-ne’ebé forte husi pandemia COVID-19 ne’e propoin iha relatoriu laran.