𝐋𝐈𝐗𝐔 𝐍𝐀𝐅𝐀𝐓𝐈𝐍 𝐒𝐀𝐈 𝐏𝐑𝐄𝐎𝐊𝐔𝐏𝐀𝐒𝐀𝐔𝐍 𝐁𝐎’𝐎𝐓 𝐁𝐀 𝐀𝐌𝐃

𝐋𝐈𝐗𝐔 𝐍𝐀𝐅𝐀𝐓𝐈𝐍 𝐒𝐀𝐈 𝐏𝐑𝐄𝐎𝐊𝐔𝐏𝐀𝐒𝐀𝐔𝐍 𝐁𝐎’𝐎𝐓 𝐁𝐀 𝐀𝐌𝐃

𝐃𝐢𝐥𝐢 𝟎𝟔 𝐌𝐚𝐫𝐬𝐮 𝟐𝟎𝟐𝟔

Autoridade Munisipiu Dili (AMD) nafatin preokupa ho lixu ne’ebé naklekar iha sidade laran. Maske esforsu sira la’o hela, maibé komunidade barak mak seidauk iha konsiensia hodi soe Lixu tuir nia fatin hodi fó impaktu ba saúde no ambiente sidade nian.

Aktividade limpeza Geral ne’e AMD halao kada sexta feira hodi kobre fatin públiku, Mota laran,no mós iha kanu bee nian ne’ebé dalaruma nakonu ho lixu plástiku.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)

𝐕𝐈𝐙𝐈𝐓𝐀 𝐊𝐎𝐑𝐓𝐄𝐙𝐈𝐀 𝐄𝐌𝐁𝐀𝐈𝐗𝐀𝐃𝐎𝐑 𝐓𝐀𝐈𝐋Á𝐍𝐃𝐈𝐀 𝐌𝐀𝐈 𝐀𝐌𝐃

𝐃í𝐥𝐢 𝟎𝟒 𝐌𝐚𝐫𝐬𝐮 𝟐𝟎𝟐𝟔

Prezidente Autoridade Munisipiu (PAM) Dili hetan vizita kortejia husi Embaixador Thailandia S.E. Atipat Rojanapaibulya iha edifisiu AMD.

Objetivu husi vizita ne’e atu hametin relasaun amizade entre guvernu Thailandia liuhusi Embaixada Thailandia iha Timor-Leste no Munisipal Dili.

Aleinde ne’e, Embaixada Thailandia mos planea ona atu expande tan sira nia edifisiu Embaixada nian inkliu mos konstrui tan edifisiu foun iha areador Embaixada Thailandia nian.

Ho nune’e, Embaixador Thailandia S.E. Atipat Rojanapaibulya hakarak hasoru malu ho PAM Dili hodi rona no hetan sujestaun sira kona-ba extensaun no konstruisaun refere.

PAM Díli, Sr. Francisco dos Santos sinti orgullu tanba Embaixador Thailandia disponivel hodi vizita AMD. Tuir PAM, kon-ba konstrusaun no expansaun edifisiu nian, partensia ba Obras Publiku Nasional nomos hala’o konsultasaun ho Autoridade Nasional Lisensia Ambiental (ANLA) molok hala’o konstrusaun, AMD so hare ba kestaun lixu bainhira halo konstrusaun.

Tanba ne’e, nia husu ba Embaixador atu fo atensaun ba iha prosesu konstrusaun tanba material sira ne’ebe transporta durante konstrusaun bele fo impaktu, liuliu kareta sira tula material tama no sai area konstrusaun.

Embaixador Thailandia sei tau atensaun kona-ba jestaun lixu nian no sei koordenasaun diak ho AMD kona-ba kestaun lixu nian. Entertantu, Embaixador mos informa katak governu Thailandia oferese kapasitasaun ba rekursu umanu ba iha Timor-Leste.

Tan ne’e, AMD persiza identifika nesesidade sira ne’ebe presija no informa ba Embaixada Thailandia liuhusi Ministeriu Negosiu Estranjeiru no Koperasaun TL (MNEC) foin MNEC hatutan ba sira.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)

𝐒𝐌𝐀𝐒𝐀 𝐊𝐎𝐍𝐓𝐈𝐍𝐔𝐀 𝐋𝐈𝐌𝐏𝐄𝐙𝐀 𝐈𝐇𝐀 𝐒𝐈𝐃𝐀𝐃𝐄 𝐋𝐀𝐑𝐀𝐍 𝐇𝐎𝐃𝐈 𝐆𝐀𝐑𝐀𝐍𝐓𝐄 𝐒𝐈𝐃𝐀𝐃𝐄 𝐌𝐎𝐒

𝐃𝐢𝐥𝐢 𝟎𝟑 𝐌𝐚𝐫𝐬𝐮 𝟐𝟎𝟐𝟔

Servisu Munisipal Água no Saneamentu (SMASA),kontinua hatudu sira-nia kompromisu hodi foti lixu no hamoos sidade laran.

Aktividade limpeja ne’e foka liu ba área fatin lixu sira ne’ebé nakonu ona, hodi evita moras no mós kria fali imajen sidade ne’ebé moos.

Objetivu prinsipál mak hodi garante ijiene públika, prevene moras ne’ebé mai husi lixu (hanesan kólera ka dengue), no mós atu mantein sidade Dili nafatin moos no furak ba vizitante sira.

Fontes : (𝐌𝐞𝐝𝐢𝐚 𝐆𝐚𝐛.𝐏𝐀𝐌)

𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒𝐈𝐏𝐈𝐔 𝐃𝐈𝐋𝐈 𝐇𝐀𝐋𝐀𝐎 𝐒𝐄𝐑𝐈𝐌𝐎𝐍𝐈𝐀 𝐈𝐒𝐀𝐑 𝐁𝐀𝐍𝐃𝐄𝐈𝐑𝐀 𝐈𝐇𝐀 𝐏𝐑𝐈𝐌𝐄𝐈𝐑𝐀 𝐒𝐄𝐌𝐀𝐍𝐀 𝐅𝐔𝐋𝐀𝐍 𝐌𝐀𝐑𝐂U

𝐃𝐢𝐥𝐢 𝟎𝟐 𝐌𝐚𝐫𝐬𝐮 𝟐𝟎𝟐𝟔

Autoridade Munisípiu Dili (AMD) Segunda-Feira ne’e hala’o serimónia Isar bandeira nasionál hodi marka inísiu fulan-Marsu nian.

Atividade ne’e sai hanesan knaar regulár hodi hametin espíritu patriotizmu no disiplina entre funsionáriu públiku sira.

Iha fatin hanesan Prezidente autoridade Munisipiu (PAM) Dili, Sr. Francisco dos Santos hateten Funsionariu tenki servisu ho fuan ho laran hodi servi AMD no estadu ida ne’e, funsionariu ne’ebe diak servisu ho Onestu no labele iha interese privadu hodi hafoer instituisaun nia naran.

“ hau senti orgulhu ho funsionariu Gestaun sira, tamba sira hatudu duni responsabilidade no maturidade ba Servisu, maske hasoru dezafiu oin oin maibe sira nafatin firme hodi hasoru. Tamba ne’e hau husu atu ita bo’ot sira nafatin servisu ho kalma no kuidadu ho linguagem hodi hasoru situasaun saida deit tamba hau sei nafatin iha ita bo’ot sira nia kotuk no sei la husik imi mesak atu hasoru situasaun difisil .”

Entertantu seremonia Isar Bandiera ne marka prejensa husi Administrador Postu Administrativu nain lima, Diretores Munisipais sira, Kargu xefia, Sefe Suku no funsionáriu tomak Autoridade Munisípiu Dili nian.

(𝐌𝐞𝐝𝐢𝐚 𝐆𝐚𝐛.𝐏𝐀𝐌)

𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒𝐈𝐏𝐈𝐔 𝐃𝐈𝐋𝐈 𝐇𝐀𝐋𝐀𝐎 𝐒𝐄𝐑𝐈𝐌𝐎𝐍𝐈𝐀 𝐈𝐒𝐀𝐑 𝐁𝐀𝐍𝐃𝐄𝐈𝐑𝐀 𝐈𝐇𝐀 𝐏𝐑𝐈𝐌𝐄𝐈𝐑𝐀 𝐒𝐄𝐌𝐀𝐍𝐀 𝐅𝐔𝐋𝐀𝐍 𝐌𝐀𝐑𝐂𝐔

𝐃𝐢𝐥𝐢 𝟎𝟐 𝐌𝐚𝐫𝐬𝐮 𝟐𝟎𝟐𝟔

Autoridade Munisípiu Dili (AMD) Segunda-Feira ne’e hala’o serimónia Isar bandeira nasionál hodi marka inísiu fulan-Marsu nian.

Atividade ne’e sai hanesan knaar regulár hodi hametin espíritu patriotizmu no disiplina entre funsionáriu públiku sira.

Iha fatin hanesan Prezidente autoridade Munisipiu (PAM) Dili, Sr. Francisco dos Santos hateten Funsionariu tenki servisu ho fuan ho laran hodi servi AMD no estadu ida ne’e, funsionariu ne’ebe diak servisu ho Onestu no labele iha interese privadu hodi hafoer instituisaun nia naran.

“ hau senti orgulhu ho funsionariu Gestaun sira, tamba sira hatudu duni responsabilidade no maturidade ba Servisu, maske hasoru dezafiu oin oin maibe sira nafatin firme hodi hasoru. Tamba ne’e hau husu atu ita bo’ot sira nafatin servisu ho kalma no kuidadu ho linguagem hodi hasoru situasaun saida deit tamba hau sei nafatin iha ita bo’ot sira nia kotuk no sei la husik imi mesak atu hasoru situasaun difisil .”

Entertantu seremonia Isar Bandiera ne marka prejensa husi Administrador Postu Administrativu nain lima, Diretores Munisipais sira, Kargu xefia, Sefe Suku no funsionáriu tomak Autoridade Munisípiu Dili nian.

Fontes : (𝐌𝐞𝐝𝐢𝐚 𝐆𝐚𝐛.𝐏𝐀𝐌)

PAM DÍLI HAMUTUK HO PRIMEIRU MINISTRU, MINISTRA EDUKASAUN, NO SEKRETÁRIU ESTADU TERRAS NO PROPRIEDADES, TUN DIRETA BA ESKOLA DUKE DE KAIXAS EBC BEMORI DÍLI

Dili, 01 Marsu 2026

Prezidente Autoridade Munisipiu Díli, Francisco dos Santos, hamutuk ho Primeiru Ministru, Kay Rala Xanana Gusmao, Ministra Edukasaun, Dulce de Jejus no Sekretáriu Estadu Terras no Propriedades, Sr. Jaime Xavier Lopes, tun direta ba Eskola Duke de Kaixas EBC Bemori Díli, atu informa ba komunidade okupantes sira ne’ebé hela iha aeredores eskola refere atu retira husi areadores eskola.

Iha vizita ne’e PAM Dili hateten katak, asaun hamamuk aeredores ne’e lao’s buat foun. Antes ida ne’e, asaun hanesan halo ona iha eskola lima iha Díli laran no hotu-hotu la iha problema.

Nia esplika katak iha fulan Agostu 2025, Autoridade Munisipiu Díli kria ekipa konjunta ida tun ba ko’alia ho komunidade sira ne’ebé okupa aeredores eskola. Iha enkontru ne’e, hetan akordu ida ne’ebé komunidade sira prontu atu hamamuk, maibé husu tempu atu prepara.

Hafoin ne’e, Diretor Edukasaun halo relatoriu rekomenda atu hasai karta notifikasaun iha fulan Setembru. Maibé, tanba okupantes sira husu tempu tan, Autoridade Munisipiu fo toleránsia to’o fulan Novembru mak foin hasai karta notifikasaun, ho prazu to’o loron 31 Dezembru.

Nia hatutan katak iha fulan Janeiru, kooperasaun husi komunidade diak tebtebes. Uma kain tolu sai voluntariamente, no Autoridade Munisipiu apoiu de’it transporte atu lori sira nia sasan fila ba uma. Uma kain tolu seluk mos laiha problema, maibé iha tempu ne’ebá, membru komunidade ida fila ba Aman Maromak, nune’e sira husu tempu tan tanba iha triste nia laran.

Tanba ne’e, Prezidente dehan katak nia labele fó tempu verbal deit, nia husu komunidade atu halo karta pedidu ofisial. No Komunidade entrega karta husu to’o dia 9 Fevereiru, no depois hetan autorizasaun to’o dia 20 Fevereiru atu prepara didiak.

Prezidente enfatiza katak prazu dia 20 ne’e komunidade rasik mak husu, la’os Autoridade mak obriga. Depois liu loron hitu tuir prazu ne’e, nia haruka ekipa tun atu hare se komunidade presiza apoiu ka transporte. No Iha tuku 8 liu dadeer, ekipa tun no prosesu la’o diak, komunidade mos prontu sai.

Maibé, iha tuku 11 liu, iha intervensaun husi Polísia Nasional Servisu Investigasaun Kliminal (PNSIK), ne’ebé obriga Autoridade atu presta deklarasaun.

Ho nune’e, tamba PAM lakoi atu kriatan situasaun eumenta grave maka PAM halo tuir de’it PNSIK nia hakarak hodi ba presta deklarasaun ne’ebé tuir lolos la persiza tamba PAM halo tuir deit DL ne’ebé fó kompetensia PAM hodi halo jestaun iha area juridiku Munisipiu Dili nian.

Nia mos hatete katak intervensaun hirak ne’e kria situasaun la diak iha ambiente eskola, ne’ebé labarik sira iha hela prosesu aprendizajen no komunidade barak mos haree ba situasaun refere.

Iha fatin hanesan Ministra Edukasaun, Dulce de Jesus hateten, Munisteriu Edukasaun liu husi politika Nonu Governu Konstitusional katak, tinan ne’e Ministeriu Edukasaun presija halo Refertoriu no fatin Kozinha ba kada eskola. Ho razaun ne’e governu liu husi ME husu ba komunidade atu koopera ho diak. Alende ne’e mos Ministra edukasaun hatete katak, komunidade sira ne’ebé hela iha fatin ka uma ne’ebé iha tempu indonezia governu halo ba Mestri/professor sira iha tempu indonesia hodi hela ba hanorin estudante sira ne’e konsidera uma estadu nian, tamba ne’e komunidade ne’ebé utiliza uma fatin refere sei laiha direitu ba rai no uma refere.

Ikus liu Primeiru Munistru, Xanana Gusmao, husu ba okupante sira atu hamamuk areadores eskola ne’e tamba dezenvolvimentu ne’e halo ba gerasaun foun sira no la’os ba ema seluk, tamba nee nia husu ba okupantes hotu atu koopera ho diak.

Fontes : (Media Gab. PAM)

PAM DÍLI OFISIALMENTE INAGURA ESKOLA EBF MUI KULUHUN

Díli, 27 Fevereiru 2026

Prezidente Autoridade Munisípiu (PAM) Dili, Sr. Francisco dos Santos, hamutuk ho koordenadora Eskola EBF MUI kuluhun Becora no kompania kontraktor Karinho Unilessoal, LDA iha loron 27 Fevereiru 2026 ofisialmente inaugura Eskola EBF MUI Kuluhun iha Becora, ho objetivu atu suporta kondisaun estudante sira nian liu liu ba fasilidade sala de aula.

Konstrusaun ne’e inklui reabilitasaun sala de aula 4, konstrusaun sala foun 2, moru haleu eskola, no instalasaun kanalizasaun be’e mos ba eskola.

Koordenadora Eskola MUI Kuluhun hato’o agradecementu ba PAM Dili, tanba fó apoiu no hadi’a fasilidade foun ne’ebé sei fasilita estudante sira nia aprendizajen. Nia mos husu ba estudante sira atu uza fasilidade ho konsiénsia no responsavel

Iha intervensaun, PAM Husu ba estudante sira, professores sira atu utiliza didiak eskola ho responsabilidade. No nia mos husu ba diretor eskola katak, wainhira utiliza eskola refere mak iha retensaun ruma bele informa ba kopania atu hadia fila fali durante tempu retensaun fulan 3 nia laran.

Hafoin serimonia ne’e remata PAM halo mos asinatura termu entrega entre husi kompanhia Karinho Unipessoal LDA ba PAM Dili, hanesan sinal katak obra ne’e ofisialmente entrega ba eskola hodi bele utiliza.

Enkuantu konstrusaun eskola ne’e durante fulan tolu ho total gastus osan hamutuk US$103,662.79.

Fontes : (Media Gab. PAM)

𝗣𝗔𝗠 𝗗Í𝗟𝗜 𝗛𝗔𝗟𝗔’𝗢 𝗔𝗕𝗘𝗥𝗧𝗨𝗥𝗔 𝗦𝗘𝗥𝗜𝗠Ó𝗡𝗜𝗔 𝗔𝗦𝗜𝗡𝗔𝗧𝗨𝗥𝗔 𝗧𝗘𝗥𝗠𝗨 𝗗𝗘 𝗔𝗦𝗘𝗜𝗧𝗔𝗦𝗔𝗨𝗡

𝗗í𝗹𝗶, 𝟮𝟳 𝗙𝗲𝘃𝗲𝗿𝗲𝗶𝗿𝘂 𝟮𝟬𝟮𝟲

Prezidente Autoridade Munisípiu Díli, Francisco dos Santos, hamutuk ho Diretor Geral Servisu Nasional Inteligensia (SNI) Longuinhos Monteiro, Diretor SEATOU, Diretor-Geral Terras Propriedades, Diretor Obras Públika no Reprezentante Administrador Postu Administrativu Nain Feto, Sefe Suku Bairu Pite, ohin hala’o serimónia asinatura termu de aseitasaun ba komunidade sira ne’ebé sei afeta iha futuru konstrusaun edifísiu Servisu Nasional Inteligensia (SNI). Serimonia ne’e hala’o iha Sede Suku Bairu-Pite Dili sesta feira ne’e.

Objetivu prinsipal husi atividade ida ne’e mak atu kompleta dokumentus legais no prepara prosesu indemnizasaun ba komunidade sira ne’ebé sei afeta iha futuru konstrusaun edifisiu Servisu Nasional Inteligensia (SNI).

Enkuntu Dadus ne’ebé uza bazeia ba levantamentu ne’ebé hala’o ona iha loron 30 fulan Outubru tinan 2025 liu bá, iha ne’ebé ekipa konjunta halo ona identifikasaun ba uma no rai ne’ebé afeta husi projetu ne’e.

Iha eventu ne’e, Prezidente Autoridade Munisípiu Díli hato’o katak prosesu ida ne’e la’ós hahú foun, maibé rezultadu husi servisu naruk ne’ebé halo ona ne’ebé antes ne’e hala’o ona. Nia mos husu ba komunidade atu kontinua uza konsiénsia no koopera ho Estadu ba Planu Projetu konstrusaun nebe tuir planu sei konstrui iha fulan Abril tinan ne’e (2026).

Alende ne’e mós PAM Dili hatete katak asinatura termu de aseitasaun ohin ne’e importante tamba atu garante satisfasaun parte sira hotu molok hahú konstrusaun. Nia mos agradese ba komunidade tamba prontu atu koopera ho governu.

Ho asinatura dokumentu termu de aseitasaun ne’e, governu bele kontinua ho prosesamentu pagamentu indemnizasaun ba benefisiáriu sira tuir rekizitu legal sira ne’ebé determina ona.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)

𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒𝐈𝐏𝐈𝐔 𝐃𝐈𝐋𝐈 𝐑𝐄𝐀𝐋𝐈𝐙𝐀 𝐄𝐍𝐊𝐎𝐍𝐓𝐑𝐔 𝐊𝐎𝐍𝐒𝐄𝐋𝐋𝐔 𝐊𝐎𝐎𝐑𝐃𝐄𝐍𝐀𝐒𝐀𝐔𝐍 𝐌𝐔𝐍𝐈𝐒𝐈𝐏𝐀𝐋 (𝐂𝐂𝐌)

𝐃í𝐥𝐢, 𝟐𝟓 𝐅𝐞𝐛𝐫𝐞𝐢𝐫𝐮 𝟐𝟎𝟐𝟓

Prezidente Autoridade Munisípiu (PAM) Díli Sr. Francisco dos Santos konvoka enkontru Konselu Koordenasaun Munisipal CCM hodi diskuti kona-ba programa dezenvolvimentu prioridade sira iha munisípiu Dili nomos preparasaun hodi simu vizita Primeiru Ministru Kay Rala Xanana Gusmão mai AMD iha fulan Marsu.

PAM Díli husu ba membru CCM sira atu hametin kooperasaun entre autoridade munisipal ho parseiru sira hodi asegura implementasaun programa sira la’o ho di’ak no fó benefísiu direta ba populasaun.

Iha enkontru ne’e, membru CCM sira inklui Komandu PNTL Munisipiu Dili atualiza seguransa iha Munisipiu Dili nomos Servisu Munisipal sira atualiza programa save sira iha AMD hanesan atualizasaun husi Finansas kona ba ezekusaun OJE 2026 AMD nian mak too iha dia 24 ne’e atinji ona 17.60%, nomos osamentu sira maka aloka ba iha kada programa ka atividade.

Servisu aprovizonamentu atualiza kona ba progresu projetu sira ne’ebe maka hahu submete ona dokumentu hisu prosesa. Servisu Planeamentu, Edukasaun, PNDS no PDIM hotu-hotu aprezenta sira nia programa ne’ebe maka hala’o ona nomos ne’ebe maka planea ona ba iha tinan 2026.

Depoisde atualizasaun husi PNTL no servisu munisipal sira, PAM lidera enkontru hodi diskuti kona ba preparasaun apresentasaun hodi simu vizita PM Xanana Gusmao nian.

Entertantu konteudu no materia prepara ba aprezentasaun ne’e apresenta husi Asesora Partisipa Sra. Maria dos Reis iha nia apresentasaun asesora husu ba servisu munisipal sira hodi submete dadus ka informasaun sira kona ba dirasaun ida-ida nia servisu inklui programa sira ne’ebe hala’o ona, nomos sira ne’ebe maka atu hahu iha tinan ne’e, hodi nune’e PAM bele apresenta ba PM bainhira vizita mai iha AMD iha tempu badak.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)

FAMILIA 146 HETAN APOIU EMERJENSIA HAFOIN INUNDASAUN IHA DILI

Díli, 25 Fevereiru 2026

Autoridade Munisipiu Díli hamutuk ho Autoridade Protesaun Sivil fo apoiu emergensia ba familia ne’ebe afetadu husi inundasaun ne’ebé akontese iha loron 22 Fevereiru.

Apoiu emergensia ne’e hala’o Iha Suku rua mak hanesan iha suku, Bairo Pite total uma kain hamutuk 76 família mak simu ona apoiu emerjénsia, no iha Suku Fatuhada uma kain hamutuk 70 família mak hetan ona apoiu emergensia. Enkuantu Apoiu refere ne’e ho objetivu atu fó ajuda ba família sira ne’ebé hasoru difikuldade hafoin inundasaun.

Ajuda umanitária ne’ebé distribui ba komunidade afetadu ne’e inklui fos, mina, supermi no aihan seluk tan, atu garante nesesidade bázika komunidade sira bele atende durante períodu emerjénsia.

Autoridade Munisipiu Díli no Autoridade Protesaun Sivil reafirma sei nafatin monitoriza situasaun iha terrenu no prontu atu fó apoiu nafatin ba komunidade sira tuir nesesidade.

Fontes : (Media Gab. PAM)

SMASA KONTINUA HALA’O OPERASAUN LIMPEZA GERAL IHA KAPITAL DILI

𝐃í𝐥𝐢, 𝟐𝟒 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Servisu Munisipal Água, Saneamentu no Ambiente (SMASA) nafatin kontinua hala’o operasaun limpeza geral iha fatin-fatin, liu-liu iha sidade Díli, hafoin udan boot ne’ebé akontese iha loron 22 Fevereiru.

Alende ne’e AMD liu husi Servisu Munisipal Dezastre Naturais e Protesaun Sivil, Servisu Munisipal Agua, Saneamentu no Ambiente, Servisu Munisipal Edukasaun hamutuk Autoridade Lokal no Diretor Eskola sekundaria jeral FINANTIL hamos ona sala de aula no aredor liur neebé afeta husi inundasaun boot.

Durante hamos eskola Sua Exelénsia Ministra Edukasaun mos tun direta hodi observa kondisaun real eskola nian.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)