𝐏𝐀𝐌 𝐃𝐈𝐋𝐈 𝐏𝐀𝐑𝐓𝐈𝐒𝐈𝐏𝐀 𝐃𝐈𝐒𝐊𝐔𝐒𝐀𝐔𝐍 𝐄𝐒𝐓𝐑𝐀𝐓𝐄𝐉𝐈𝐊𝐔 𝐊𝐎𝐍𝐀-𝐁𝐀 𝐃𝐄𝐙𝐄𝐍𝐓𝐑𝐀𝐋𝐈𝐙𝐀𝐒𝐀𝐔𝐍 𝐍𝐎 𝐏𝐎𝐃𝐄𝐑 𝐋𝐎𝐊𝐀𝐋

𝐃𝐢𝐥𝐢, 𝟏𝟐 𝐌𝐚𝐢𝐮 𝟐𝟎𝟐𝟔

Prezidente Autoridade Munisipiu Dili (PAM), Sr. Francisco dos Santos, partisipa iha programa Edukasaun Sívika ho forma Talk Show Televiziva ne’ebé organiza husi Comissão Nacional dé Eleições (CNE), kona-ba estratéjia partidu polítiku sira iha prosesu Desentralizasaun Administrativa no Poder Lokal iha preparasaun Eleisaun Munisipál.

Programa edukasaun sívika ho tolk show televiziva partidu ne’e abertura husi Execelencia Prezidente CNE Doutor José Agustinho da Costa Belo Pereira.

Enkuantu Programa ne’e envolve reprezentante no kuadru polítiku husi partidu sira hanesan CNRT, FRETILIN, PD, KHUNTO no PLP, ne’ebé hato’o sira nia pontu dé vistu, planu no estratéjia kona-ba lideransa polítika lokál no dezenvolvimentu podér lokál iha futuru.

Iha diskusaun refere, Prezidente Autoridade Munisipiu (PAM) Dili, Sr. Francisco dos Santos, hato’o observasaun kona-ba importánsia papél partidu polítiku sira iha prosesu dezenvolvimentu lokál no nasionál.

“Hanesan PAM Dili, ha’u haree katak presiza tebes kontribuisaun, ideia no inisiativa husi partidu polítiku sira hotu ne’ebé ohin marka prezensa iha ne’e. Tanba liu husi partidu polítiku mak lideransa sira bele ezerse sira nia funsaun ho di’ak hodi asegura dezenvolvimentu nasaun no liuliu Munisipiu Dili bele la’o tuir dalan ne’ebé di’ak, transparente no sustentavel,” dehan PAM Dili.

Aleinde ne’e, akadémiku husi Universidade Nasional Timor Lorosa’e (UNTL), liu husi Fakuldade Siénsia Sosiais no Polítika (FASPOL), Dr. Francisco dos Santos mós partisipa hodi fó análize no pontu dé vistu akadémiku kona-ba importánsia desentralizasaun no partisipasaun polítika iha nivel lokál.

Atividade Edukasaun Sívika ne’e realiza iha Salaun Laline Lariguto CNE, Colmera, Dili, ho objetivu atu hasa’e komprensaun públiku kona-ba prosesu polítiku no reforsa partisipasaun sidadaun sira iha Eleisaun Munisipál.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)