𝐃𝐢𝐥𝐢, 𝟖 𝐉𝐮ñ𝐮 𝟐𝟎𝟐𝟔

Sekretário Munisipal Asuntu Sosiais no organizasaun komunitaraias (SECAM 3) ne’ebe reprejenta PAM partisipa iha serimónia abertura formasaun kona-ba kalkulasaun kustu no kontabilidade ba membru grupu fundu hadulas sira iha salaun SEI, Kaikoli Dili.

Atividade ne’e ho objetivu atu hasa’e kapasidade jestaun finanseira no fortalese sustentabilidade atividade ekonómika komunidade nian.

Iha nia intervensaun, SECAM 3 hateten katak formasaun ida-ne’e importante tebes atu ajuda grupu fundu hadulas sira komprende di’ak liu tan kona-ba oinsá kalkula kustu produsaun, halo rejistu kontabilidade simples no jere finansas grupu ho transparénsia no responsabilidade.

Formasaun ne’e mos hanesan oportunidade ida atu hasa’e koñesimentu no habilidade partisipante sira iha área jestaun negósiu, nune’e bele ajuda sira foti desizaun ne’ebé loos hodi aumenta produtividade no rendimentu grupu nian.

Alende ne’e mos Governu liu husi programa fortalese nafatin kontinua kapasita komunidade hodi kontinua fó apoiu ba grupu fundu hadulas sira atu bele dezenvolve atividade ekonómika ne’ebé produtivu no sustentável, hodi kontribui ba hadi’ak moris família no komunidade.

Partisipasaun SECAM 3 iha atividade ne’e hatudu kompromisu Autoridade Munisípiu atu kontinua apoia dezenvolvimentu kapasidade komunidade no promove jestaun finanseira ne’ebé di’ak iha nivel lokal.

Fontes : (𝐌𝐞𝐝𝐢𝐚 𝐆𝐚𝐛 𝐏𝐀𝐌)