Ekipa limpeza esgotu hala’o servisu hamutuk hodi hamos valeta iha área Perumnas, liuliu iha Aldeia Rio de Janeiro to iha Mota Maloa, Suco Bairro Pite, Postu Administrativu Dom Aleixo, Munisípiu Dili. Atividade ne’e atu garante bee halai diak liu durante tempu udan no prevene inundasaun ne’ebé bele afeta komunidade sira.

Aktividade limpeza valeta ne’e importante tebes atu reduz akumulasaun foer ne’ebé komunidade soe iha Mota laran no hadi’a kondisaun ambientál hodi kontribui ba saúde públika, beleza ambiente no seguransa ba morador sira durante tempu udan.

Ekipa limpeza esgotu ne’ebé servisu ho dedikasaun atu mantén área Perumnas, aldeia Rio de Janeiro to iha Mota Maloa nafatin moos, saudável no confortável ba ema hotu.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)